3 лістапада Рэспубліканскі тэатр беларускай драматургіі прадставіць спектакль “Махляры” ў рамках XXIX Міжнароднага фестывалю тэатральных мастацтваў Ф.М. Дастаеўскага ў Вялікім Ноўгарадзе.
— Паказ спектакля, створанага рэжысёрам Сяргеем Фядотавым паволе п’есы “Гульцы” Мікалая Гогаля, пройдзе на сцэне Наўгародскай абласной філармоніі імя А.С. Арэнскага, — распавялі ў тэатры. — Што можа быць больш азартным, чым сумеснае махлярства? Будзе яно тэатральным альбо картачным — азарт ёсць азарт!
У містычнай трагікамедыі “Махляры” ідэя бязлітаснага падману становіцца прасторай тэатральнай гульні, абаяльнай і віртуознай.
kultura-info.by
