Да Дня народнага адзінства ў краіне прайшла рэспубліканская інфармацыйна-асветніцкая акцыя “Беларусь адзіная”. Яна стартавала 26 жніўня на Міншчыне і, ахапіўшы ўсе рэгіёны, завяршылася 12 верасня ў Брэсцкай вобласці.

Штогадовы форум традыцыйна прыцягнуў ўвагу прадстаўнікоў працоўных калектываў, грамадскіх арганізацый, партый, ідэалагічнага звяна і моладзі. Сёлетняя тэма мерапрыемства — “Беларусь — стратэгія будучыні”.

Генеральны дырэктар Нацыянальнай бібліятэкі, старшыня праўлення РДГА “Беларускае таварыства «Веды»” Вадзім Гігін адзначыў, што ў ходзе акцыі вялася прадметная гутарка па пытаннях, якія хвалююць грамадства, абмеркаванне дасягненняў, перспектыў развіцця дзяржавы, усяго таго, на што арыентуе Прэзідэнт.

— У 2021 годзе гаварылі аб надзённых палітычных пытаннях. Затым рабілі акцэнт на гістарычнай тэматыцы, на знешнепалітычных або ваенна-палітычных тэмах, — прыгадаў Вадзім Францавіч. — Цяпер — пра будучыню, пра стратэгію будучыні, аб праграме развіцця Беларусі. І гэта вельмі сімвалічна, таму што на тэзісы, сэнсы, якія артыкулююцца падчас акцыі “Беларусь адзіная”, затым арыентуецца і наш грамадска-палітычны актыў, нашы патрыятычныя сілы.

У рамках праекта ладзіліся адкрытыя дыялогі з удзелам лідараў буйных грамадскіх аб’яднанняў краіны, такіх як Федэрацыя прафсаюзаў, “Белая Русь”, БРСМ, Беларускі саюз жанчын, Беларускае грамадскае аб’яднанне ветэранаў.

Форум праводзіцца ў рэспубліцы ў мэтах кансалідацыі патрыятычных сіл, абмеркавання актуальных пытанняў і прасоўвання дасягненняў суверэннай Беларусі.

Больш звестак — на сайце vns.gov.by