У Купалаўскім тэатры неўзабаве адбудзецца прэм’ера спектакля «мая першая Ева» паводле рамана сучаснай беларускай пісьменніцы Вікторыі Кляўко.

Гэта другая сумесная работа аўтаркі і маладога акцёра і рэжысёра Ільі Крука.
Іх творчы тандэм добра вядомы беларускім гледачам: у мінулым сезоне па матывах вясковага рамана Вікторыі «Вырай» было створана тэатралізаванае чытанне «ВЫРАЙ. ЧЫТКА», якое набыло велізарную папулярнасць.
У цэнтры сюжэта — няпростыя адносіны маці і дачкі, пошук блізкасці і недахоп душэўнай цеплыні. Дзеянне разгортваецца ў канцы 1990-х — пачатку 2000-х.
Праз гісторыю гераінь пастаноўка нагадвае пра каштоўнасць любові і душэўнай блізкасці, пакідаючы гледачу надзею на тое, што шчасце заўсёды магчымае.
У спектаклі заняты народныя артысткі Беларусі Тамара Міронава і Зінаіда Зубкова, а таксама іншыя цудоўныя акцёры.
Прэм’ерныя паказы ў Купалаўскім адбудуцца 21, 22 і 24 лістапада, 9 і 30 снежня.
Служба інфармацыі “КіМ”