18 кастрычніка ў Маларыце адбыўся абласны тур Рэспубліканскага фестывалю нацыянальных культур “Суквецце культур”, які правялі ўжо ў восьмы раз.

Мерапрыемства сабрала прадстаўнікоў 13 нацыянальнасцей, што пражываюць на Брэстчыне, і стала яркай падзеяй у жыцці рэгіёна.

Госці форуму змаглі атрымаць асалоду ад экспазіцый майстроў народнай творчасці і дэкаратыўна-прыкладнога мастацтва, а таксама паўдзельнічаць у выставах-дэгустацыях нацыянальных кухняў. Былі прадстаўлены стравы азербайджанскага, грэчаскага, грузінскага, казахскага, малдаўскага, польскага, рускага і ўкраінскага народаў.

Галоўнай імпрэзай дня стаў святочны канцэрт. Да яго далучыліся мастацкія калектывы і салісты, што прэзентавалі дзевяць культур: яўрэйскую, казахскую, казацкую, кітайскую, малдаўскую, польскую, рускую, удмурцкую і ўкраінскую. Публіка ўбачыла самабытныя нумары, якія адлюстроўваюць багацце і разнастайнасць этнічных звычаяў.

Стартаваўшы ў Маларыце, адборачныя туры працягнуць шэсце па краіне і будуць аб’ядноўваць людзей праз мастацтва, традыцыі і ўзаемную павагу.

 Крыніца: Рэспубліканскі цэнтр нацыянальных культур.
Фота: “Голас часу”