Урачыстае адкрыццё новага корпуса Мінскага дзяржаўнага мастацкага каледжа імя А.К.Глебава адбылося 2 верасня! У ім прынялі ўдзел Прэм'ер-міністр Раман Галоўчанка і міністр культуры Анатолій Маркевіч.

Комплекс складаецца з навучальнага корпуса і інтэрната. Яны абсталяваны ў адпаведнасці з найноўшымі патрабаваннямі да арганізацыі навучальнага працэсу і побыту студэнтаў. Камфартабельныя ўмовы навучання і пражывання дазволяць педагогам і вучням у поўнай меры праявіць стараннасць і прафесіяналізм.

Ганаровыя госці ўрачыстага адкрыцця новага корпуса Мінскага дзяржаўнага мастацкага каледжа імя А.К.Глебава азнаёміліся з новымі аўдыторыямі і вучэбнымі майстэрнямі, дзе ўжо сёння праходзяць заняткі для студэнтаў.

Акрамя таго, падчас мерапрыемства адбылася прэм'ера музычнай оды «Табе, мастацтва» ў выкананні народных артыстаў Рэспублікі Беларусь Уладзіміра Громава і Настассі Масквіной у суправаджэнні Зводнага хору і аркестра Рэспубліканскай гімназіі-каледжа пры Беларускай дзяржаўнай акадэміі музыкі (дырыжор Яўген Паддубоцкі).

З прывітальным словам да прысутных звярнуўся міністр культуры Анатолій Маркевіч:

– Дазвольце павіншаваць вас з дзвюма вельмі важнымі падзеямі, якія адбыліся ў жыцці культурнай супольнасці нашай краіны, – пачатак новага навучальнага года і тое, што навучальны год пачынаецца нават не ў абноўленым, а ў новым навучальным корпусе Мінскага дзяржаўнага мастацкага каледжа імя А.К.Глебава!

Ён аснашчаны сучасным абсталяваннем, прасторнымі аўдыторыямі, вучэбнымі лабараторыямі, вытворчымі майстэрнямі, дзе, я ўпэўнены, будзе панаваць дух творчасці, стварэння, разумення і прыняцця кіраўніцкіх рашэнняў, якія дазволяць дзёрзка ўвайсці ў будучыню, якія патрабуюць крэатыўнага мыслення, нестандартных падыходаў і глыбокага пазнання сучаснага навакольнага свету.

Фота Уладзіміра ШЛАПАКА