Сямейны фестываль "Рамонкавае шчасце" па праву можна лічыць адным з самых цёплых, кранальных і душэўных мерапрыемстваў Палаца культуры горада Ліды. У дзень сям'і, любові і вернасці пляцоўка каля Палаца культуры была напоўнена ўсмешкамі, станоўчымі эмоцыямі, энергіяй любові і радасці.

Атмасфера свята адчувалася ва ўсім: у яркіх дэкарацыях, у рознакаляровых касцюмах аніматараў, у вясёлай музыцы і, вядома ж, у шчаслівых тварах людзей. Аргкамітэт мерапрыемства пастараўся на славу, падрыхтаваўшы праграму, здольную захапіць кожнага, ад малога да вялікага.

Бацькі з задавальненнем удзельнічалі ў свяце разам з дзеткамі, ствараючы незабыўныя фотамаменты. 

У рамках сямейнага фестывалю " Рамонкавае шчасце "былі падведзены вынікі фотачаленджа" мая сям'я. Шчаслівыя моманты".

Аргкамітэт свята аднадушна прызнаў пераможцамі сем'і Ткачук, Мойсак, Котавых і Адамовіч.